Bakkaði á þúsund sinnum ódýrari bíl

  

  

  

Bakkaði á þúsund sinnum ódýrari bíl

Karl Wernersson á tryggingafélagið Sjóvá og gat reitt sig á skilvirkni sinna manna þegar kom að því að greiða gyllta Subaru-inn út.

Milljarðamæringurinn Karl Wernersson varð fyrir því óláni að aka á átján ára gamlan gylltan Subaru þegar hann var bakka út úr innkeyrslunni á húsi sínu við Engihlíð. Bíll Karls er svartur Benz jeppi af flottari gerðinni sem kostar um 20 milljónir. Verðmæti Subaru-sins er hins vegar um 20 þúsund krónur.

Eigandi Subaru-bifreiðarinnar sagði í samtali við Vísi að bíllinn hefði haft mikið tilfinningalegt gildi en ekki hefði verið annað hægt en að borga bílinn út þar sem viðgerð hefði verið mun dýrari. Hann sagði Karl hafa verið hinn almennilegasta og meðal annars boðið afnot af Benz-jeppanum sem er þúsund sinnum dýrari en gamli gyllti Subaru-inn.

 

 

Lánshæfishorfur ríkissjóðs versna.

  

  

  

  

Lánshæfishorfur ríkissjóðs versna samkvæmt Standard & Poor's

Matsfyrirtækið Standard & Poor's greindi frá því í dag að það hefði breytt horfum á lánshæfismati ríkissjóðs Íslands í neikvæðar úr stöðugum. Matsfyrirtækið staðfesti einnig óbreyttar lánshæfiseinkunnir ríkissjóðs Íslands í erlendri mynt A+ fyrir langtímaskuldbindingar og A1 fyrir skammtímaskuldbindingar. Í íslenskum krónum eru einkunnirnar AA fyrir langtímaskuldbindingar og A1+ fyrir skammtímaskuldbindingar.

Í tilkynningu frá matsfyrirtækinu segir að endurskoðun á horfunum endurspeglar vaxandi og þrálátt ójafnvægi í íslenska hagkerfinu, auk skorts á aðhaldi í ríkisfjármálum. Þótt skammtímaraunvextir Seðlabankans hafi farið yfir 8% er virkni miðlunar peningastefnunnar takmörkuð af snarpri aukningu í erlendum lántökum heimila og lítilli svörun vaxta á íbúðalánum við auknu aðhaldi peningastefnunnar.

Telja að hægja muni á hagvexti

Endurnýjaður vöxtur í neyslu og seinkun á aukningu útflutnings leiða til þess að viðskiptahallinn mun ekki lagast eins hratt og búist var við. Áframhald á mikilli lántöku til húsnæðiskaupa kyndir undir verðhækkunum á húsnæði sem aftur dregur úr hjöðnun verðbólgu. Þetta er undirrót þess að Seðlabankinn hækkaði stýrivexti í 13,75% í nóvember 2007, samkvæmt tilkynningu frá Standard & Poor's.

„Hagvöxtur hefur verið mikill í síðustu uppsveiflum í fjárfestingu og útlánum og á húsnæðismarkaði. En hægja mun óhjákvæmilega á honum þegar hagkerfið kólnar. Veruleg hætta er á að hagvöxtur dragist saman vegna áhrifa frá leiðréttingu á gengi, fasteignamarkaði eða lánamarkaði.

Fjármál hins opinbera bötnuðu verulega í efnahagsuppsveiflunni. Afgangur af rekstri ríkis og sveitarfélaga var að meðaltali 5,6% af VLF árin 2005-2007. Ásamt myndarlegum tekjum frá einkavæðingu mun þetta hjálpa til við að færa skuldir hins opinbera undir 10% af VLF árið 2007 úr 38% árið 2003. Hins vegar hafa óbeinar ábyrgðir vegna fjármálageirans vaxið mikið vegna hraðrar útlánaaukningar innanlands," segir í tilkynningu Standard & Poor's.

Vaxandi hætta á harðri lendingu

Neikvæðar horfur endurspegla vaxandi hættu á harðri lendingu íslenska hagkerfisins. Sá efnahagssamdráttur sem nú er hafinn mun hjálpa til við að vinda ofan af efnahagslegu ójafnvægi en sú þróun mun líklega tefjast vegna áætlana um hraða aukningu á útgjöldum hins opinbera sem og því að stöðugt hefur mistekist að endurskipuleggja Íbúðalánasjóð. Í tengslum við háa og hækkandi innlenda og alþjóðlega vexti munu þessir þættir auka áhættuna af harðri lendingu íslenska hagkerfisins, að því er segir í þýðingu Seðlabankans á tilkynningu Standard & Poor's.

Lánshæfismatið gæti lækkað

„Lánshæfismatið gæti lækkað ef jafnvægi fæst aðeins með harkalegri aðlögun, sem hefði áhrif á stöðu opinberra fjármála þegar halli á ríkissjóði vex og gengið verður á óbeinar ábyrgðir," sagði sérfræðingur Standard & Poor's, Stukenbrook.

„En ef ójafnvægið lagast með skipulegum hætti og tengd áhætta er hamin ættu horfur að verða stöðugar á ný."

Girnilegarkökur..... ;)

Ljót kona

  

Ljót kona

Mjög hávær, óaðlaðandi (ljót og feit) og hreinlega brussuleg kona kom inn í Hagkaup einn daginn með börnin sín tvö, dró þau sitt í hvorri hönd, skammaðist í þeim og var hin versta um leið og hún gekk inn ganginn. Strákur í kerrunum sá hana og heilsaði: “Góðan daginn frú og velkomin í Hagkaup. En yndisleg börn sem þú átt. Eru þetta tvíburar?” Forljóta konan hætti að öskra á börnin og sagði við strákinn: “ Held nú síður. Sá eldri er 9 ára og hitt er að verða 7. Hvers vegna í fjandanum heldurðu það. Ertu blindur eða bara svona heimskur!?”

“Ég er nú hvorugt, frú mín.” Segir strákurinn. “ Ég get bara ekki ímyndað mér að þú hafir fengið að sofa hjá tvisvar!! Hafðu það gott í dag og takk fyrir að versla í Hagkaup”

 

 

 

19 ára stúlka í Saudí-Arabíu

  

  

19 ára stúlka í Saudí-Arabíu: Var nauðgað 14 sinnum - dæmd í fangelsi og 200 svipuhögg

Áfrýjunarréttur í Saudí-Arabíu hefur þyngt þá refsingu sem undirréttur dæmdi 19 ára stúlku sem varð fyrir hópnauðgun. Henni var nauðgað fjórtán sinnum af sjö mönnum, sem eru dæmdir í 2ja til 10 ára fangelsi, en hún á að sitja í fangelsi í sex mánuði og þola 200 svipuhögg.

Stúlkan tilheyrir minnihlutahópi Shía í Saudí-Arabíu. Að sögn dagblaðsins Arab News réðist sjö manna hópur úr meirihluta súnníta á hana og nauðgaði henni fjórtán sinnum. Stúlkunni var í undirrétti refsað fyrir að umgangast sér óskylda menn og dæmd til að þola 90 svipuhögg fyrir að hafa verið á ferð í bíl með óskyldum manni þegar árásin var gerð.

Áfrýjunarrétturinn jók við refsingu hennar og ákvað að hún skyldi þola 200 svipuhögg og sex mánaða fangelsisvist að auki. Refsing nauðgaranna var líka tvöfölduð frá því sem undirrétturinn hafði ákveðið en dómar þeirra þykja samt léttir í ljósi þess að saudí-arabísk lög leyfa að dauðarefsingu sé beitt í nauðgunarmálum. Talsmaður dómaranna sagði í samtali við Arab News að dómararnir hefðu ákveðið að refsa stúlkunni sérstaklega fyrir að gera mikið úr málinu og reyna að hafa áhrif á dómsvaldið með fjölmiðlaumfjöllun. Meðan á málarekstrinum stóð var lögmaður stúlkunnar sviptur réttindum og á yfir höfði sér viðurlög fyrir að hafa rekið málið af hörku.

Stóri Dímon með mangó-chutney og kóríander

Hráefni

• 1 stk Stóri Dímon
• 2 msk ólívuolía
• 3 stilkar timian
• 1/2 geiri hvítlaukur
• brauð að eigin vali

Fyrir 4

Skemmtilegur partýréttur fyrir öll tilefni.

Aðferð

Hitið ofninn í 180 gráður, opnið oststykkið og stingið nokkur göt ofaní ostinn, hellið ólífuolíunni ofan á ostinn ásamt hvítlauknum og timianinu, bakið í ca 20 mínútur eða þar til osturinn er vel bráðnaður í miðju. Berið fram heitt. Skerið brauðið í ca 5 cm langar stangir og skvettið smá ólívuolíu yfir og saltið og piprið , bakið í ca 7 mín í 180 gráðu heitum ofni þar til þær eu orðnar stökkar.

 

 

 

 

Notað í:
Hummus með stökku nanbrauði

Meðlæti

Skemmtileg ostaþrenna: mangó-chutney og kóríander, ólívuolía og hvítlaukur, hindber og hunang

Skoða myndskeið

Hráefni

• 1 stk Gullostur eða annar hvítmygluostur
• nokkrar greinar garðablóðberg
• nokkur rif hvítlaukur
• 50 ml góð ólívuolía
• 1 stk Stóri-Dímon
• 2-3 msk mangó-chutney
• nokkur lauf ferskt kóríander
• - salt og pipar
• 1 stk Geitaosta-brie
• 1 msk hindberjasulta
• 1 askja fersk hindber
• 2 msk hunang
• - stökkt kex eða brauð

Það er ekki mikið sem slær út volgan ost á stökku kexi. Hér er góð tilbreyting við gamla ostabakkann ásamt nýjum mildum geitaosti sem er nýr fyrir Íslendingum en fastur þáttur í lífi ostagæðinga erlendis.

Aðferð

Gullostur með ólífuolíu, hvítlauk og garðablóðbergi

Hellið nokkrum dropum af ólívuolíu yfir ostinn, stráið garðablóðberginu og fínt saxaða hvítlauknum yfir ásamt nýmuldum pipar. Þá er osturinn bakaður við 170 gráður í 15-30 mín. Osturinn er framreiddur opnaður á diski; gott að nota hann sem ídýfu með góðu brauði.

Stóri Dímon með mangó-chutney og kóríander

Setjið mangó-chutney ofan á ostinn, kryddið með salti og pipar og nokkrum laufum af kóríander.

Geitaosta brie með hindberjum og hunangi

Setjið sultu ofan á ostinn ásamt ferskum hindberjum, hellið svo ögn af hunangi yfir. Framreiðið með þunnum brauðsneiðum eða kexi að eigin vali.

Mike Tyson dæmdur í sólarhrings fangelsi

 

 

 

 

 

Hnefaleikakappinn Mike Tyson var í dag dæmdur í sólarhrings fangavist, auk þriggja ára skilorðsbundins fangelsis, fyrir fíkniefnavörslu og akstur undir áhrifum. Í síðasta mánuði játaði Tyson sekt í málinu, og átti allt að fjögurra ára og þriggja mánaða fangelsisvist yfir höfði sér.

Skúffukaka með góðu súkkulaðikremi

Skúffukaka með góðu súkkulaðikremi		Brauð og kökur
Uppáld allra barna og fullorðinna með kaldri mjólk.
4 bollar hveiti 3 bollar sykur 2 bollar súrmjólk eða (1 1/2 bolli mjólk) 200 gr brætt smjörlíki 2 tsk matarsódi 1/2 tsk salt 4 msk (sléttar) kakó 2 egg 1 1/2 tsk vanilludropar Súkkulaðikrem: 100 gr brætt smjör (helst ekki líki en er alveg í lagi) 2 msk vatn 2 msk kakó 300 gr flórsykur 1 eggjarauða Kókosmjöl til skrauts	Blandið hráefnunum saman hrærivél. Ekki hræra of lengi! Munið að ef þið hrærið of lengi þá verða kökurnar seigar þannig að gullni meðalvegurinn er fínn. Deiginu er hellt í ofnskúffu og bakað í miðjum ofni í 1 klst. við 175-180 gráður. Pikkið í kökuna til að kanna hvort að hún sé ekki öll bökuð.Bíðið í ca. 1 klst með að setja kremið á kökuna. Súkkulaðikremið: Bræðið smjörið í potti við lágan hita. Setjið vatnið og sigtað kakóið saman við og hrærið. Eggjarauðan sett saman við og hrært strax og svo sigtaður flórsykurinn. Hrært vel saman og smurt á kökuna þegar hún er orðin nógu köld. Kókosmjöli stráð yfir, magn eftir smekk. Mér finnst best að hafa mikið kókosmjöl. Verði ykkur að góðu, krakkarnir verða ánægðir með þessa. Frábært að setja hana inn þegar verið er að þrífa og skella kreminu á þegar þrifin eru búin. Gott að setjast niður og fá sér góða kökusneð með kaldri mjólk eftir tiltektina.

Áhrif Jöklu í Lagarfljóti metin

Hæstiréttur felldi í gær úr gildi úrskurð Héraðsdóms Austurlands frá því í október sem snýr að vatnaflutningum úr Hálslóni í Lagarfljót. Héraðsdómur hafði hafnað beiðni eigenda jarðarinnar Egilsstaða um að dómkvaddir yrðu tveir sérfróðir og óháðir matsmenn til að meta hæfilegar greiðslur til landeigenda við Lagarfljót vegna flutnings á vatninu til sjávar.

Hæstiréttur telur að landeigandinn uppfylli öll skilyrði til að eiga rétt á því að matsmenn verði kallaðir til. Enda beri landeigandinn kostnað af matsgerðinni svo lengi sem sá kostnaður verður ekki felldur á aðra þegar og ef málið kemur til kasta dómstóla.

Ástarævintýrinu lauk eftir landsleik á Ásláki

Flugmaðurinn horfði á leik Íslands og Frakklands á Ásláki kvöldið sem atburðirnir áttu sér stað.

Það var magnþrungið andrúmsloftið í Héraðsdómi Reykjavíkur í morgun. Flugmaður hjá Icelandair var þar mættur ásamt fyrrum unnustu sinni frá Venesúela. Flugmaðurinn er sakaður um heimilisofbeldi gegn stúlkunni en hún hefur mikið látið fyrir sér fara síðan hún kom hingað til lands í september á síðasta ári.

Í ágúst í sumar birtist viðtal við stúlkuna í Morgunblaðinu þar sem hún hélt því fram að unnusti sinn hefði smyglað sér inn í landið en hann starfar sem flugmaður hjá Icelandair. Hann hafi komið henni í gegnum starfsmannahlið en hann neitaði sök í því máli.

Eftir rannsókn lögreglunnar á Suðurnesjum var málið látið niður falla.

Í morgun var hinsvegar tekið fyrir meint heimilisofbeldi á heimili mannsins í janúar á þessu ári. Stúlkan sakar hann um að hafa gengið illa í skrokk á sér. Þau eru missaga í málinu.

Að kvöldi 23.janúar á þessu ári snæddu þau kvöldverð á heimili flugmannsins í Mosfellsbæ og drukku rauðvín með matnum. Eftir matinn fór maðurinn á hverfispöbbinn, Áslák, og horfði á leik Íslands og Frakklands á heimsmeitaramótinu í handbolta. Þar drakk hann nokkra bjór auk þess sem hann fékk sér koníaksstaup. Stúlkan kemur síðan á barinn eftir leikinn og þau ræða við gesti staðarins. Eftir kvöldið fara þau að heimili mannsins sem sest fyrir framan sjónvarpið og horfir á endursýningu af leiknum auk þess sem hann horfði á eina kvikmynd.

Maðurinn viðurkennir að hafa verið undir áhrifum áfengis en segir ástandið hafa verið gott allan tímann.

Þegar heim var komið lagðist stúlkan upp í rúm og fór að sofa.

Tveimur tímum síðar segist stúlkan hafa vaknað upp við það að flugmaðurinn hafi verið að kasta upp inni í eldhúsi. Hún athugaði hvort ekki væri í lagi og sagði maðurinn svo vera. Nokkru síðar kemur hann inn í herbergi og fer að kalla hana illum nöfnum. Meðal annars sagði hann stúlkuna heimska.

Stúlkan segir hann yfirleitt láta svona þegar hann sé drukkinn og hún hafi yfirleitt hlaupið út en á þessum tíma ákvað hún gera það ekki. Hann hélt áfram að móðga stúlkuna, reif af henni sængina og vildi kynlíf. Hún neitaði þar sem hann var drukkinn.

Stúlkan segist þá hafa hlaupið inn í barnaherbergi og aðeins verið klædd baðslopp. Hann hafi áfram haldið að rífast í henni, opnað gluggann, rifið í hár hennar og segir henni að kalla á hjálp. Aðspurð um hversvegna hann hafi gert þetta segir stúlkan hann hegða sér heimskulega þegar hann sé fullur.

Stúlkan fer þá aftur inn í svefnherbergið til þess að setja dót í tösku. Hann hafi þá slegið hana í fyrsta skipti og sparkað í bakið á henni en hún náði að flýja inn á baðherbergi þar sem hún læsti sig inni.

Því næst hafi maðurinn sparkað upp klósetthurðinni, gripið um háls hennar með annarri hendi og haldið fyrir munn hennar með hinni. Á þessum tímapunkti hafi hún ekki getað andað og þá hafi hún bitið hann í hendina. Maðurinn reyndi þá að kyrkja stúlkuna með báðum höndum og slengdi henni upp við vegg þannig að stúlkan missti meðvitund.

Stúlkan talaði spænsku í morgun og var túlkur með henni. Það var greinilegt að þetta tók mikið á stúlkuna því nokkrum sinnum þurfti hún að stoppa og jafna sig þar sem hún grét mikið.

Hún gerir sér ekki grein fyrir hversu lengi hún var meðvitundarlaus en rankar við sér þar sem maðurinn er að pota í hana, fer fram, hringir í lögregluna og hleypur út.

Stúlkan var skelkuð þar sem hún beið undir stiganum í húsinu en síðar fékk hún að fara inn hjá nágrannakonu. Lögreglan kemur á staðinn og færir stúlkuna á spítala. Í máli lögreglukonu sem bar vitni í morgun segir að læknirinn hafi tekið myndir af áverkunum en það mun ekki vera algengt í málum sem þessum. Henni var því næst ekið í kvennaathvarið þar sem hún dvaldi í þrjá mánuði.

Í máli stúlkunnar í morgun kom fram að hún hafi átt erfitt með að ná sér eftir þetta kvöld. Henni hafi bæði verið illt í baki og fái reglulega martraðir. Hún hafi einnig átt erfitt með að tengjast fólki eftir atburðinn.

Stúlkan sem er með háskólagráðu í stjórnmálum og stjórnsýslu starfaði sem flugfreyja en þannig kynntust þau á sínum tíma. Maðurinn lýsti sambandinu sem ástarævintýri sem ekki hefði gengið upp en stúlkan hafði greinilega meiri væntingar til sambandsins.

Hún sagði að þrisvar hefðu þau ætlað að gifta sig en í öll skiptin hafi maðurinn verið of drukkinn til þess að það gæti gengið eftir.

Eftir að leiðir þeirra skildu segir maðurinn að stúlkan hafi kvatt sig með þeim orðum að nú muni hún gera allt til þess að eyðileggja fyrir honum vinnuna.

Aðspurð um hvernig henni hafi liðið á meðan þessu stóð svaraði stúlkan. "Hann var næstum búinn að drepa mig, mér hefur aldrei liðið jafn illa. Ég óttaðist um líf mitt."

Stúlkan ætlar að yfirgefa landið um leið og niðurstaða fæst í málið.

Maðurinn segir sögu stúlkunnar uppspuna frá rótum líkt og sögu hennar um að hann hafi smyglað henni inn í landið.

Aðspurð um blaðaviðtalið í Morgunblaðinu og þær ásakanir sem hún hafði uppi staðfesti stúlkan að allt væri satt og rétt í þeirri grein. Rauði Kross Íslands hafi hvatt hana til þess að búa til læti og vekja athygli á málinu til þess að hún fengi hjálp. Það hafi gengið eftir því Hverfismiðstöð miðborgar og Hlíða hafi greitt fyrir hana húsaleigu eftir að mál hennar komst í fjölmiðla.

Stúlkan fer fram á 500.000 krónur í skaðabætur.

Ritstjórn Vísis hefur ákveðið að taka út Skoðanir á fréttum en bendum lesendum á að hægt er að blogga um fréttir á blogsvæðum Vísis og BlogCentral.is og þær bloggfærslur birtast við þá frétt sem bloggað er um.

Blogga um fréttina.