Dennis Quaid

Nýfæddir tvíburar Dennis Quaid alvarlega veikir

Dennis Quaid og Kimberly Buffington. MYND/Getty

Þrettán daga gamlir tvíburar Dennis Quaid liggja alvarlega veikir á Cedars-Sinai sjúkrahúsinu í Los Angeles. Tvíburarnir, Thomas Boone og Zoe Grace, voru fluttir á bráðadeild eftir að þeim var fyrir fyrir slysni gefinn of stór skammtur af blóðþynningarlyfinu heparin á sunnudag.

Talskona Quaid og eiginkonu hans, Kimberly, sagði í gær að þau væru þakklát fyrir allan þeim stuðning sem þeim hefði verið sýndur, en báðu um leið um frið til að takast á við áfallið.

Sjúkrahúsið staðfesti í gær að mistök hefðu átt sér stað. Lyfið er meðal annars notað til að hreinsa út æðaleggi. Í stað 10 eininga lausnar sem átti að gefa sjúklingum sem voru með legg í æð fengu þeir tíu þúsund eininga lausn. Heimildamenn TMZ síðunnar segja að ástæðan sé sú að lyfið hafi ekki verið geymt á réttan hátt, og hjúkrunarfræðingur því gripið vitlausan skammt fyrir slysni.

Í yfirlýsingu frá Cedars-Sinai sagði að umsvifalaust hefðu verið teknar blóðprufur af öllum sem fengu of stóran skammt. Þrír af þeim sjö sem fengu of stóran skammt sýndu merki um að blóð þeirra væri með skerta storknunarhæfni. Einum sjúklinganna batnaði án aðstoðar, en tveir - tvíburarnir litlu - þurftu að fá mótlyf.

Staðgöngumóðir gekk með tvíburana fyrir parið, sem eru líffræðilegir foreldrar þeirra. Quaid á fyrir fimmtán ára son með fyrrverandi eiginkonu sinni, Meg Ryan.

Ferðamönnum fjölgar um 15% fyrstu tíu mánuði ársins

Erlendum ferðamönnum sem fóru um Leifsstöð fjölgaði um 6,5% í október síðastliðnum miðað við október í fyrra, samkvæmt talningum Ferðamálastofu. Þegar tveir mánuðir eru eftir af árinu hafa 413 þúsund erlendir ferðamenn komið til landsins í gegnum Keflavíkurflugvöll, fleiri en nokkru sinni fyrr og 15,6% fleiri en á sama tíma í fyrra.

Ferðamálastofa segir, að í október muni mest um fjölgun á meðal Norðurlandabúa og Frakka en fækkun sé frá flestum öðrum mörkuðum miðað við sama tímabil í fyrra.

Paul Nikolov, varaþingmaður VG.

Paul Nikolov, varaþingmaður VG, flutti í dag jómfrúarræðu sína á Alþingi er hann mælti fyrir frumvarpi um breytingar á lögum sem varða útlendinga og réttarstöðu þeirra. Paul segir íslenska stjórnkerfið mun aðgengilegra en það bandaríska og bjóði upp á meiri þátttöku almennings. Hann hvetur fólk til að nýta sér þessa möguleika.

Ekki grunur um fíkniefnasmygl

 21 november 2007

 

„Um er að ræða þjófnað á skútu frá Þýskalandi sem siglt var hingað til lands. Það voru Hollendingar sem sigldu skútunni hingað og eru þeir vanir ferjusiglarar“ að sögn Lögreglunnar á Höfn. Lögreglan segir að ekki sé grunur að fíkniefni séu um borð í skútunni. Samkvæmt upplýsingum lögreglunnar er ekki vitað hvort hugsanlegir kaupendur séu hér á landi. „Það er Ríkislögreglustjóri í samstarfi við Interpol sem eru með málið í rannsókn“ segir lögreglan á Höfn.

Kynferðisleg misnotkun á börnum

Samkvæmt erlendum rannsóknum verða í kringum 20% stúlkna og 10 til 15% drengja fyrir kynferðislegri misnotkun fyrir 18 ára aldur. Ef fólk grunar að barn sé misnotað kynferðislega ætti það tafarlaust að tilkynna það yfirvöldum. Langtímaáhrif kynferðislegrar misnotkunar eru langoftast skelfileg og því fyrr sem brugðist er við þeim mun betra.

Kynferðisleg misnotkun á barni getur átt sér stað innan fjölskyldu, frá hendi foreldri, stjúpforeldri, systkina eða öðrum ættingjum eða þá utan heimilis, frá vini, nágranna, barnfóstru, kennara eða ókunnugum. Ef barn verður fyrir kynferðislegri misnotkun hefur það víðtæk áhrif á tilfinningar þess, hugsanir og hegðun. Ekkert barn er tilbúið að kljást við kynferðislegt áreiti. Jafnvel meðal tveggja eða þriggja ára barna, sem vita ekki að athöfnin er röng, þróast vandamál, sprottin af því að þeim hefur ekki tekist að höndla áreitnina. Barn sem er fimm ára eða eldra og þekkir og elskar þann sem misnotar það festist hreinlega. Á milli ástar og tryggðar við ódæðismanninn og tilfinningu og vitneskju um að kynferðisathafnir séu rangar. Reyni barnið að komast frá misnotkuninni er því hótað, e.t.v. með því að beita því ofbeldi eða að ódæðismaðurnn hætti að elska það. Þegar kynferðisleg misnotkun verður innan fjölskyldu hræðist barnið e.t.v. að aðrir fjölskyldumeðlimir verði reiðir, hræddir eða afbrýðisamir, eða þá að fjölskyldan sundrist komist leyndarmálið upp. Barn sem lengi býr við kynferðislega misnotkun fær lélegt sjálfsmat, finnst það vera einskis virði og þróar óeðlilegar eða afbakaðar hugmyndir um kynlíf. Barnið verður inn í sig og treystir ekki fullorðnum, það finnur fyrir þunglyndi og kvíða og reynir jafnvel að svipta sig lífi. Fórnarlömb kynferðismisnotkunar geta átt í erfiðleikum með að sýna væntumþykju á annan hátt en kynferðislegan. Sum þessara barna verða sjálf kynferðisglæpamenn, leiðast í vændi, eða eiga í öðrum vandamálum þegar þau eldast.

Börn sem hafa verið misnotuð kynferðislega gætu sýnt einhver þessara einkenna:

 ·         Óvenjulega mikinn eða lítinn áhuga á öllu sem kemur kynlífi við ·         Svefnröskun eða martraðir ·         Þunglyndi og að draga sig í hlé frá vinum og ættingjum ·         Reyna að vera tælandi ·         Yfirlýsingar um að þau séu skítug eða skemmd eða ótti um að eitthvað sé að þeim í kynfærum ·         Neita að fara í skólann ·         Agavandamál ·         Þau verða leyndardómsfull ·         Leikir eða teikningar snúast um kynferðislegt ofbeldi. ·         Óvenjuleg árasargirni ·    

     Sjálfsvígstilraunir Barnaníðingar geta hrætt barnið ótrúlega mikið við að segja einhverjum allt af létta og mikil vinna þarf að fara fram áður en barninu finnst það vera öruggt svo að það geti tjáð sig um atburðinn. Ef barn segir foreldrum sínum frá misnotkun ættu foreldrar að vera rólegir og reyna að fá barnið til að skilja að það sem hefur gerst er ekki barninu að kenna. Foreldrar ættu að fara með barnið í læknisskoðun og leita ráðgjafar frá geðlækni/sálfræðingi sem allra fyrst.

 Foreldrar geta minnkað líkurnar á kynferðislegri misnotkun með því að:

 ·         Kenna barninu að segja "Nei" ef einhver reynir að snerta það og þeim líður illa við snertinguna. Líka að segja einhverjum sem það treystir strax frá atburðinum.

·         Kenna barninu að bera virðingu fyrir fullorðnum þýðir ekki að hlýða þeim í blindni. Börn sem hafa verið misnotuð kynferðislega og fjölskyldur þeirra þurfa meðferð frá fagfólki. Klínískir barnasálfræðingar og barna- og unglingageðlæknar geta hjálpað börnum að öðlast aftur sjálfstraust, að fást við sektarkenndina og að yfirstíga áfallið. Slík meðferð getur minnkað hættuna á að barnið berjist við ýmiss konar vandamál orðið fullorðið.  

Hver er greindarvísitala þín?

Þetta próf er hannað til að meta greindarvísitölu fullorðinna. Prófið metur hæfni til draga ályktanir en niðurstöður segja ekki til um hversu greind(ur) þú ert heldur hvernig þú stendur þig á þessu tiltekna sviði miðað við aðra á sama aldri. Lestu leiðbeiningarnar hér á eftir vandlega til að niðurstöður prófsins verði sem áreiðanlegastar.

1. Þú hefur 45 mínútur til að svara prófinu. Ekki fara fram úr þeim tíma.
2. Svaraðu öllum spurningunum. Ef þú veist ekki svarið skaltu giska. Í skorun prófsins hefur verið tekið tillit þess að fólk giski. Svaraðu því öllum spurningunum.
3. Ef rétt svar við spurningu virðist geta verið fleira en eitt eða ef ekkert virðist vera rétt, veldu þann möguleika sem þú telur að gæti helst komið til greina

 Hér er prófið .......

http://persona.is/index.php?action=exams&method=display&eid=21&pid=15

Félagsfælni

 

Á sumrin fer fólk að sækja meira í það að vera sem mest úti að njóta veðurblíðunnar.  Miðbærinn fyllist af fólki og um hverja helgi býr fólk til ástæðu að fara úr bænum og njóta sveitasælunnar í góða veðrinu.  Fyrir flestum er þetta því indæll tími, fullur af skemmtilegum stundum með vinum og vandamönnum, en fyrir öðrum er þetta hrikaleg þolraun.  Sumt fólk á nefnilega við þann vanda að stríða að vera óstjórnlega feimið og óöruggt þannig að það getur ómögulega hugsað sér að taka þátt í félagslegum viðburðum eða umgangast fólk yfir höfuð. 

Flest upplifum við einhvern vott af kvíða af og til og í sumum tilfellum jafnvel daglega en náum þó oftast tökum á honum án vandkvæða.  Fyrir ákveðnum hópi fólks verður þessi kvíði þó óstjórnlegur og veldur því að það dregur sig í hlé og forðast það sem vekur hjá því kvíða.  Þegar fólk fer að forðast hluti með þessum hætti er hægt að tala um að fælni hafi myndast.  Fælni getur myndast við ýmsum hlutum og kannast líklega flestir við köngulóafælni, lofthræðslu og innilokunarkennd en algengust allra er þó félagsfælnin.  Félagsfælni felur í sér að fólk óttast félagslegar aðstæður og dregur sig úr slíkum aðstæðum.  Fólk sem þjáist af félagsfælni óttast að það geri eitthvað sem verði því til skammar í félagslegum aðstæðum og verður því ofurmeðvitað um sjálft sig í slíkum aðstæðum.  Í stað þess að taka þátt í samræðum og njóta augnabliksins, einblínir þetta fólk á sjálft sig og hvernig það komi fyrir sjónir.  Það verður mjög sjálfsgagnrýnið á allt sem það segir og gerir og hefur miklar áhyggjur af því að hafa orðið sér til skammar, þó svo að það hafi í raun ekki gert eða sagt neitt sem gæti hafa valdið því.  Þetta gerir það, að sjálfsögðu, að verkum að það verður líklegra að fólkið taki eftir smávægilegum breytingum í líkamanum eins og roða, svita eða auknum hjartslætti og ímyndar sér þá að þar sem það taki eftir þessu hljóti allir aðrir einnig að gera það og að þau hljóti að líta út eins og verstu aumingjar.  Þessi mikla innskoðun og rangtúlkun á áliti annarra veldur því svo enn fremur að fólkinu hættir til að mismæla sig eða stama og hefur þá framkallað vítahring fyrir sjálft sig.  Eftir að hafa lent í svona aðstæðum styrkist því óttinn við félagslegar aðstæður og hvötin til að draga sig í hlé og forðast að umgangast aðra eykst. 

Rannsóknir hafa sýnt að algengi félagsfælni sé á bilinu 5-15% og því þriðja algengasta geðræna vandamálið á eftir þunglyndi og alkohólisma.  Miðað við þessar tölur má því ætla að á bilinu 15 – 45.000 íslendingar þjáist af félagsfælni.  Félagsfælni er mjög oft falin og uppgötvast ekki en nokkuð algengara hefur verið að hún greinist hjá karlmönnum.  Þessi kynjamunur kann þó að vera misvísandi þar sem hugsanleg skýring á þessu sé sú að karlmenn hafa lengi sinnt störfum þar sem þeir hafa frekar þurft að takast á við félagslegar aðstæður og því frekar þurft að leita sér aðstoðar.  Þetta kann því einnig að hafa áhrif á rannsóknir á algengi þar sem ótal konur kunna að þjást af þessum vanda án þess að gera neitt í því.  Ef mann grunar að maður þjáist af félagsfælni er afar mikilvægt að takast á við fælnina með því að afla sér upplýsinga og leita sér hjálpar þar sem fælninni hættir til að vinda upp á sig og versna ef ekkert er að gert.

Félagsfælni hefur fjölmörg einkenni, bæði andleg og líkamleg.  Andlegu einkennin eru ofsafenginn ótti við að takast á við félagslegar aðstæður og vera miðpunktur athyglinnar.  Óttinn veldur svo líkamlegum einkennum eins og roða, skjálfta, svita, svima, köfnunartilfinning, ógleði og stami. Oft hefur fólk sem þjáist af vandamálum eins og þunglyndi, vímuefnamisnotkun og átröskunum átt sögu af félagsfælni og er því hugsanlegt að án íhlutunar geti hún orsakað slík vandamál.

Ekki má gleyma því að margir geta fengið snert af félagsfælni eftir að hafa verið í talsverðri einangrun eins og til dæmis að hafa verið að læra mikið eða bara ekki verið duglegt við að taka þátt í félagslegum viðburðum.  Oftast er hægt að losa sig við slíka væga félagsfælni með því að plana að gera eitthvað með vinum sínum eða fara eitthvert þar sem maður þarf að tala við fólk, vanda sig við að horfast í augu við fólk þegar maður er í samræðum og einbeita sér á að hlusta á hvað fólk hefur að segja og njóta augnabliksins.  Oft þegar maður er orðinn svolítið félagslega einangraður verður maður hálfpartinn að pína sig til að fara út á meðal fólks, þar sem það getur orðið allt of þægilegt að vera bara heima og losna við að eiga í samskiptum við fólk.  Að eiga samskipti við aðra hæfileiki sem hægt er að æfa og eins og með allt sem þarfnast æfingar er gott að halda sér í formi.  Eftir því sem maður æfir sig því færari verður maður og þar að leiðandi sjálfsöruggari.  Ef félagsfælnin er þó orðin umfangsmeiri en svo að einfalt sé að vinna á henni er mikilvægt að fræða sig um vandann og leita sér svo hjálpar hjá fagaðila.

 

Eyjólfur Örn Jónsson
Sálfræðingur

Svefntruflanir og slæmar svefnvenjur

Slæmar svefnvenjur geta valdið syfju að degi. Fólk sefur eðlilega, en fer seint að sofa og vaknar snemma til að fara til vinnu eða í skóla. Það leggur sig ef til vill lengi á daginn, sem ýtir undir það að viðkomandi er ekki syfjaður fyrr en síðar um nóttina. Þetta á við um marga hér á Íslandi, einkum skólafólk. Annað dæmi um slæma svefnvenju er að drekka kaffi seint á kvöldin. Þetta seinkar syfju og þar af leiðandi styttir nætursvefninn.

Svefntruflanir orsaka óendurnærandi svefn. Helstu svefntruflanirnar eru svefnleysi og kæfisvefn og verða þeim gerð frekari skil hér að neðan, en einnig má nefna svefnsýki, fótaóeirð í svefni og svefngöngur, svo fáeitt sé nefnt. Svefntruflanir koma niður á svefngæðunum og valda aukinni dagsyfju. Svefntruflanir eru mun algengari en fólk gerir sér grein fyrir. Allt of oft hefur svefninn verið tekinn sem sjálfsagður hlutur, helst vegna þess að svefnmagn hefur verið lagt til jafns á við svefngæði. Þetta þarf að leiðrétta. Það er ekki endilega spurning um hversu lengi maður sefur, heldur hversu vel er sofið. Einnig hefur of oft verið litið á það sem kost að geta sofnað hvar sem er og hvenær sem er. Þvert á móti bendir slíkt til þess að viðkomandi búi við mikla dagsyfju. Svefnleysi er þegar maður getur ekki sofnað þó maður vilji. Fólk sem þjáist af svefnleysi er mjög þreytt allan daginn, og á kvöldin vill það gjarnan sofna, en um leið og lagst er á koddann þá vaknar það. Við tekur barátta um að festa svefn, það byltir sér fram og tilbaka í rúminu en án árangurs. Við þetta skapast vítahringur þar sem áhyggjur af því að geta ekki sofið valda því að viðkomandi á enn erfiðara með að sofna. Sama ferlið endurtekur sig kvöld eftir kvöld.

Einnig er vel hægt að sofa í átta klukkustundir en hvílast næstum ekkert. Þetta hendir til dæmis þá sem þjást af kæfisvefni. Kæfisvefn er þegar maður hættir að anda í svefni. Oft fylgja háværar hrotur kæfisvefni, en hrotur eru með fyrstu einkennum kæfisvefns. Fólk með kæfisvefn á auðvelt með að sofna, en vegna þess að þeir hætta að anda í svefni og hlutfall súrefnis í blóðinu minnkar, bregst líkaminn við með því að vekja viðkomandi í nokkrar sekúndur í senn. Þetta er nóg til að koma önduninni aftur af stað, en nægilega stutt til þess að viðkomandi átti sig ekki á þessu. Það eru ekki alltaf bein tengsl milli þess að hrjóta og þess að vera með kæfisvefn. Hrotur geta verið til staðar án þess að viðkomandi sé með kæfisvefn, en hrotur eru fyrstu einkennin. Öndunarhlé geta verið endurtekin nokkur hundruð sinnum yfir nóttina. Þetta veldur því að viðkomandi nær sjaldnar djúpum svefni og hvílist því síður. Rannsóknir eru nú farnar að tengja kæfisvefn við ýmsa hjarta- og æðasjúkdóma, svo sem hjartaáföll og heilablóðföll. Síendurtekin öndunarhlé setja mikið álag á hjarta- og æðakerfið, þannig að ekki er að undra að eitthvað láti undan að lokum, sé ekkert aðhafst. Það sem er hvað alvarlegast við þennan sjúkdóm er að þeir sem þjást af honum vita ekki endilega af honum. Það eina sem þeir vita er að þeir lögðust á koddann og sofnuðu mjög fljótlega, en vöknuðu þreyttir og óendurnærðir daginn eftir, oft með höfuðverk sem lagast ekki fyrr en um síðmorgun eða hádegisbil, þegar dægursveiflan og kaffidrykkjan hefur sagt til sín. Það eina sem þeir frétta af sínum svefni er að makinn kvartar undan hrotunum og er kannski farinn að sofa frammi í stofu.

Vinsamlegast.

Vinsamlegast ekki gleyma að kvitta í Gestó, þætti vænt um það, þótt þið þekkið mig ekki, endilega kvittið samt.

matarverð frá 1 mars.

matarverð frá 1 mars

eða var það ekki annars 1 mars sem allt "lækkaði" eða átti að lækka..

var eitthvað voða mikið að spá í verð á öllu, og man sérstaklega eftir einni ákveðinni pizzasosu sem ég kaupi alltaf, í bónus. um 1 mars, kostaði hún 129 kr. hefur svo verið að hækka hægt og ´rólega, og kostar í dag 159 kr.

muniði einhver spes dæmi um verð,,, 8 veit að þið munið ekki allan innkaupalistann og verð á honum langt ftur í tímann, er meira að meina svona ef það er eitthvað spes sem maður man eftir,,, (veit samt ekki af hverju é man þetta svona vel með þessa ákveðnu pizzasósu,)